കോഴിക്കോട്: കോവിഡ്19 വൈറസ് ബാധയെ പ്രതിരോധിക്കാന് കനത്ത ജാഗ്രതാ നടപടികളുമായി മുമ്പോട്ട് പോകുന്ന അവസരത്തില് സംസ്ഥാനത്തെ ബീവറേജസ് ഔട്ലെറ്റുകള് താല്കാലികമായി അടച്ചിടണമെന്ന ആവശ്യം ശക്തമാവുന്നു. കേരളത്തില് ഏറ്റവുമധികം പേര് ഒത്തുകുടുന്ന ഇടങ്ങളിലൊന്നാണ് മദ്യവില്പന കേന്ദ്രങ്ങള്.
കോളജുകളും സ്കൂളുകളും അംഗന്വാടികളുമടക്കം അടച്ചിടാന് തീരുമാനിച്ച സംസ്ഥാന സര്ക്കാര് ബീവറേജസ് ഔട്ലെറ്റുകളെ ഈ നിയന്ത്രണത്തിന്റെ പരിധിയില് നിന്നൊഴിവാക്കിയത് കടുത്ത വിമര്ശനത്തിന് ഇടയാക്കിയിട്ടുണ്ട്. ആരാധനകള്ക്കും ഉത്സവങ്ങള്ക്കും വിവാഹ ചടങ്ങുകള്ക്കുമടക്കം നിയന്ത്രണം വരുത്തിയപ്പോഴാണിത്.
