തൃശൂര്: ചുവന്നമണ്ണില് ബവ്റിജസ് ഔട്ട് ലെറ്റ് കുത്തിത്തുറന്ന് കവര്ച്ച നടത്തിയ ആള് അറസ്റ്റില്. കാന നിര്മ്മാണ ജോലിയ്ക്കായി എത്തിയ ഇടുക്കി സ്വദേശി ഷാജിയാണ് അറസ്റ്റിലായത്. പോക്സോ കേസിലും രണ്ടു മോഷണക്കേസിലും പ്രതിയാണ് അറസ്റ്റിലായ ആള്. കഴിഞ്ഞ പന്ത്രണ്ടിനായിരുന്നു മദ്യശാലയിലെ കവര്ച്ച. സിസിടിവി ക്യാമറയില് പതിഞ്ഞ ദൃശ്യങ്ങളാണ് വഴിത്തിരിവായത്. പോക്സോ കേസില് നേരത്തെ അറസ്റ്റിലായിരുന്നു.
കഴിഞ്ഞ ജനുവരിയിലാണ് കാനനിര്മ്മാണത്തിനായി തൃശൂരില് എത്തിയത്.
എണ്ണായിരം രൂപയും മദ്യവുമായിരുന്നു കവര്ന്നത്. മദ്യശാലയിലെ സിസിടിവി കാമറയില് ദൃശ്യം പതിഞ്ഞിരുന്നു. മോഷ്ടാവിനെ പോലീസ് തിരിച്ചറിഞ്ഞതായുള്ള വാര്ത്ത കണ്ട് ഇയാള് സ്ഥലംവിട്ടു. ഇടുക്കിയില് ഒളിവില് കഴിയുന്നതായി വിവരം കിട്ടിയ ഉടനെ പീച്ചി പോലീസ് അവിടെ എത്തി പ്രതിയെ പിടികൂടുകയായിരുന്നു.
