തിരുവനന്തപുരം : തലസ്ഥാന നഗരത്തിൽ വൻ മയക്കുമരുന്ന് വേട്ട. കഞ്ചാവ് ഉൾപ്പെടെയുള്ള ലഹരി വസ്തുക്കളാണ് പിടികൂടിയത്. ഒന്നര കിലോ കഞ്ചാവ്, ഹാഷിഷ് ഓയിൽ, എൽഎസ്ഡി സ്റ്റാംപ്, എംഡിഎംഎ എന്നിവയാണ് പിടികൂടിയത്. സംഭവത്തിൽ കരകുളം സ്വദേശി ശരത്തിനെ എക്സൈസ് സംഘം പിടികൂടി. സ്കൂട്ടറിൽ കടത്താൻ ശ്രമിക്കുന്നതിനിടെയാണ് ശരത്തിൽ നിന്ന് ലഹരി വസ്തുക്കൾ പിടിച്ചെടുത്തത്. നഗരത്തിൽ വർധിച്ചു വരുന്ന കുറ്റകൃത്യങ്ങളിൽ ഭൂരിഭാഗത്തിലും ലഹരി ഉപയോഗവും ലഹരി മാഫിയയുടെ സാന്നിധ്യവും ഉണ്ടെന്ന സൂചനയെ തുടർന്നാണ് പരിശോധന.
