പട്ന: വിലക്കയറ്റം, തൊഴിലില്ലായ്മ, കര്ഷക പ്രശ്നങ്ങള് തുടങ്ങി വിവിധ വിഷയങ്ങളില് കേന്ദ്രത്തെ കടന്നാക്രമിച്ച് ആര്ജെഡി നേതാവ് തേജസ്വി യാദവ്. നില്ക്കെയാണ് കേന്ദ്രസര്ക്കാരിനെതിരെ തേജസ്വിയുടെ വിമര്ശനങ്ങള്. പച്ചക്കറി വില കുതിച്ചുയരുന്ന സാഹചര്യത്തില് ഇതിന്റെ പ്രതീകമായി ഉള്ളിമാലയും കൊണ്ടായിരുന്നു തേജസ്വിയുടെയും അനുയായികളുടെയും പ്രതിഷേധം.
‘നട്ടെല്ലൊടിച്ച് കൊണ്ടുള്ള പണപ്പെരുപ്പം, അഴിമതി, തൊഴിലില്ലായ്മ എന്നിവ കൊണ്ട് സാധാരണക്കാരാണ് കഷ്ടപ്പെടുന്നത്. തൊഴിലുകളും വ്യവസായ മേഖലയും സ്തംഭിച്ചിരിക്കുകയാണ്. കര്ഷകരും തൊഴിലാളികളും വ്യാപാരികളും യുവജനങ്ങളുമൊക്കെ ഭക്ഷണത്തിനു വേണ്ടി പോലും ബുദ്ധിമുട്ടുന്നു. ചെറുകിട വ്യവസായികളെയൊക്കെ ബിജെപി നശിപ്പിച്ചു’ തേജസ്വി ട്വീറ്റ് ചെയ്തു.
വിലക്കയറ്റം, തൊഴിലില്ലായ്മ എന്നിവയാണ് എന്ഡിഎയ്ക്കെതിരെ തേജസ്വിയുടെ പ്രചരണ ആയുധങ്ങള്. തെരഞ്ഞെടുപ്പ് പ്രചരണങ്ങളിലെല്ലാം സര്ക്കാരിനെതിരെ രൂക്ഷമായ വിമര്ശനങ്ങള് തന്നെയാണ് ആര്ജെഡി നേതാവ് ഉന്നയിക്കുന്നത്. നിലവില് ഉള്ളിവിലയുടെ കുത്തനെയുള്ള വര്ധനവ് ചൂണ്ടിക്കാട്ടിയാണ് വിമര്ശനം.
‘ഉള്ളിവില കിലോയ്ക്ക് 50-60 രൂപ ആയപ്പോള് പോലും പ്രതികരിച്ച ആളുകള് ഇപ്പോള് അതിന് 80 രൂപ പിന്നിട്ടിട്ടും മൗനം പാലിക്കുകയാണ്. ഇവിടെ കര്ഷകര് തകര്ക്കപ്പെടുകയാണ്. യുവാക്കള് തൊഴില് രഹിതരാകുന്നു. ബീഹാറിന്റെ അവസ്ഥ മോശമാണ്. വിദ്യാഭ്യാസത്തിനും തൊഴിലിനും ചികിത്സാ ആവശ്യങ്ങള്ക്ക് പോലും മറ്റ് സ്ഥലങ്ങളെ ആശ്രയിക്കേണ്ടി വരുന്നു. പട്ടിണിയും വര്ധിച്ചു വരികയാണ്’ മാധ്യമങ്ങളോട് സംസാരിക്കവെ തേജസ്വി ആരോപിച്ചു.
