പത്തനംതിട്ട : വീടുകളില് പ്രകാശം പരത്താന് ഇനി കെഎസ്ഇബി എല്ഇഡി ബള്ബുകള് നൽകുന്നു. ‘ഫിലമെന്റ് രഹിത കേരളം’ പദ്ധതിയുടെ ഭാഗമായി ഗാര്ഹിക ഉപയോക്താക്കള്ക്കുള്ള എല്ഇഡി ബള്ബ് വിതരണം നവംബറില് ആരംഭിക്കും.
ആദ്യഘട്ടത്തില് രജിസ്റ്റര് ചെയ്ത 13 ലക്ഷം വീടുകളിലാണ് കെഎസ്ഇബി ജീവനക്കാര് ബള്ബുകള് എത്തിക്കുക. ഒരു കോടി ബള്ബുകള് വിതരണം ചെയ്യാനുള്ള നടപടിക്രമങ്ങള് പൂര്ത്തിയായി. വില പത്ത് മാസംകൊണ്ട് ഉപയോക്താവ് തിരിച്ചടച്ചാല് മതി. കഴിയുന്നവര്ക്ക് മുഴുവന് തുകയും ഒറ്റത്തവണയായും നല്കാം. എല്ഇഡിയിലേക്ക് മാറുന്നതിലൂടെ വൈദ്യുതി ഉപഭോഗം താഴും. സ്വാഭാവികമായും മുന്കാലത്തേക്കാള് വൈദ്യുതി ബില്ലില് കുറവുണ്ടാകും
ഇത്തരത്തില് ലാഭിക്കുന്ന തുകയിലൂടെ എല്ഇഡി ബള്ബിന്റെ തിരിച്ചടവ് കണ്ടെത്താന് ഉപയോക്താവിന് സാധിക്കും. ഒൻപത് വാട്ടിന്റെതാണ് നല്കുന്നത്. ആവശ്യമുള്ളവര്ക്ക് ഇനിയും രജിസ്റ്റര് ചെയ്യാം. ഇവര്ക്ക് രണ്ടാംഘട്ടത്തില് ബള്ബുകള് ലഭ്യമാക്കും. ആകെ മൂന്ന് കോടി ബള്ബുകള് വിതരണം ചെയ്യുകയാണ് കെഎസ്ഇബിയുടെ ലക്ഷ്യം.
