പട്ന : ബിഹാറിലെ പിന്നോക്ക വിഭാഗ ക്ഷേമ വകുപ്പ് മന്ത്രി വിനോദ് കുമാര് സിങ്ങിനും ഭാര്യക്കും കോവിഡ് സ്ഥിരീകരിച്ചു. ചില രോഗലക്ഷണങ്ങള് കണ്ടതിന്റെ അടിസ്ഥാനത്തിലാണ് മന്ത്രിയും ഭാര്യയും കോവിഡ് പരിശോധന നടത്തിയതെന്നും ഇരുവരുടേയും ആരോഗ്യനില തൃപ്തികരമാണെന്നും ഡോക്ടമാര് അറിയിച്ചു.
ബിഹാറില് കോവിഡ് സ്ഥിരീകരിക്കുന്ന ആദ്യ മന്ത്രിയാണ് വിനോദ് കുമാര് സിങ്. ഇരുവരേയും കതിഹാര് ജില്ലയിലെ സിറ്റി ഹോട്ടലില് ക്രമീകരിച്ച ഐസൊലേഷന് വാര്ഡില് പ്രവേശിപ്പിച്ചതായി ജില്ലാ മജിസ്ട്രേറ്റ് കന്വാള് തനൂജ് വ്യക്തമാക്കി. മന്ത്രിയുമായി അടുത്തിടപഴകിയവരെ കണ്ടെത്തി സ്രവ പരിശോധന നടത്തുമെന്നും ജില്ലാ മജിസ്ട്രേറ്റ് പറഞ്ഞു. നേരത്തെ ജൂണ് 22ന് ബിജെപി എംഎല്എ ജിബേഷ് കുമാര് മിശ്രയ്ക്കും കോവിഡ് സ്ഥിരീകരിച്ചിരുന്നു.
