പാറ്റ്ന: മുതിര്ന്ന ജെ.ഡി.യു നേതാവും ബീഹാര് പഞ്ചായത്തീരാജ് മന്ത്രിയുമായ കപില് ദിയോ കാമത്ത് കോവിഡ് ബാധിച്ച് മരിച്ചു. 69 വയസായിരുന്നു. കോവിഡ് സ്ഥിരീകരിച്ചതിനെ തുടര്ന്ന് പാട്നയിലെ എയിംസില് ചികിത്സയിലായിരുന്നു.
കഴിഞ്ഞ ആഴ്ച കോവിഡ് ബാധിച്ച് ആശുപത്രിയില് പ്രവേശിപ്പിക്കപ്പെട്ട അദ്ദേഹത്തിന്റെ ആരോഗ്യസ്ഥിതി തിങ്കളാഴ്ചയോടെ വഷളായിരുന്നു. വെന്റിലേറ്റര് സഹായത്തോടെയാണ് ജീവന് നിലനിര്ത്തിയിരുന്നത്.
കഴിഞ്ഞ 40 വര്ഷമായി രാഷ്ട്രീയത്തില് സജീവമായിരുന്ന കാമത്ത്, 10 വര്ഷമായി ബീഹാര് മന്ത്രിസഭാംഗമാണ്.
മന്ത്രി കപില് ദിയോ കാമത്തിന്റെ നിര്യാണത്തില് മുഖ്യമന്ത്രി നിതീഷ് കുമാര് അനുശോചിച്ചു. സംസ്കാരം ഔദ്യോഗിക ബഹുമതികളോടെ ഇന്ന് വൈകീട്ട് നടക്കും.
