ഇടുക്കി: കാഞ്ചിയാറില് അധ്യാപിക അനുമോളെ കൊലപ്പെടുത്തിയ കേസില് ഭര്ത്താവ് ബിജേഷിനെ അറസ്റ്റ് ചെയ്തു. കുമളി സിഐയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. തമിഴ്നാട് അതിര്ത്തിയിലെ വനമേഖലയില് നിന്നാണ് ബിജേഷിനെ കസ്റ്റഡിയിലെടുത്തത്. വനാതിര്ത്തിയിലുള്ള ഗേറ്റ് ബാറിന് സമീപത്തു നിന്നാണ് കുമളി സിഐയുടെ നേത്യത്വത്തില് പ്രതിയെ പിടികൂടിയത്. ചൊവ്വാഴ്ച്ച വൈകിട്ടാണ് കാഞ്ചിയാര് പേഴുംകണ്ടം വട്ടമുകളേല് വത്സമ്മയെന്ന അനുമോളെ വീടിനുള്ളില് മരിച്ച നിലയില് കണ്ടെത്തിയത്. ഇതിന് തലേ ദിവസം മുതല് ഭര്ത്താവ് ബിജേഷ് ഒളിവിലായിരുന്നു.
കഴിഞ്ഞ 21ന് വൈകിട്ടാണ് അനുമോളെ സ്വന്തം വീട്ടിലെ കിടപ്പുമുറിയില് കൊല്ലപ്പെട്ട നിലയില് കണ്ടെത്തിയത്. മുറിയിലെ കട്ടിലിനടിയില് പുതപ്പില് പൊതിഞ്ഞ നിലയിലായിരുന്നു മൃതദേഹം. കൊലപാതക ശേഷം മൃതദേഹം മറവ് ചെയ്യുവാനാകാതെ വന്നതോടെ കട്ടിലിനടിയില് ഒളിപ്പിച്ച് പ്രതി കടന്നു കളയുകയായിരുന്നു. അനുമോളുടെ മൊബൈല് ഫോണ് വിറ്റ് കിട്ടിയ പണവുമായി ബിജേഷ് കുമളി വരെ എത്തിയിരുന്നതായി പോലീസിന് മുമ്പ് വിവരം ലഭിച്ചിരുന്നു.