കൊല്ലം: കൊല്ലം വലിയഴീക്കല് പാലത്തില് ബൈക്കിലെത്തിയ യുവാക്കള് അപകടകരമായ രീതിയില് അഭ്യാസ പ്രകടനം നടത്തി. നാല് പേരടങ്ങിയ സംഘമാണ് റേസിംഗ് നടത്തിയത്. അഭ്യാസ പ്രകടനത്തിനിടെ യുവാക്കള് സഞ്ചരിച്ച ബൈക്ക് അത് വഴി വന്ന കാറുമായി കൂട്ടിയിടി ഒഴിവായത് തലനാരിഴയ്ക്കാണ്. സംഭവത്തിന്റെ ദൃശ്യങ്ങള് യുവാക്കള് തന്നെ സോഷ്യല് മീഡിയ വഴി പ്രചരിപ്പിക്കുകയായിരുന്നു. ദൃശ്യങ്ങള് ശ്രദ്ധയില്പ്പെട്ടതോടെ സംഭവത്തില് ഓച്ചിറ പോലീസ് അന്വേഷണം തുടങ്ങി. ഒരു ബൈക്ക് എറണാകുളം രജിസ്ട്രേഷനിലുള്ളതാണെന്ന് തിരിച്ചറിഞ്ഞിട്ടുണ്ട്. ഉടമയെ കണ്ടെത്താനുള്ള ശ്രമം ഊര്ജിതമാണെന്ന് പോലീസ് വ്യക്തമാക്കി.
