മണ്ണാര്ക്കാട് : ദേശീയപാത നാട്ടുകല് അമ്പത്തിയഞ്ചാംമൈലില് ബൈക്കും സ്കൂട്ടറും കൂട്ടിയിടിച്ച് ഒരാള് മരിച്ചു. തിരൂരങ്ങാടി സ്വദേശി കുണ്ടില് ഇസ്മായിലിന്റെ മകന് മുഹമ്മദലി(34) ആണ് മരിച്ചത്. ബുധന് ഉച്ചക്ക് മണ്ണാര്ക്കാട് ഭാഗത്തേക്ക് പോവുകയായിരുന്നു ഇരു വാഹനങ്ങളും. മുന്നില് പോയിരുന്ന സ്കൂട്ടര് പെട്ടെന്ന് തിരിച്ചപ്പോള് മുഹമ്മദലി സഞ്ചരിച്ച ബൈക്ക് സ്കൂട്ടറിയില് ഇടിച്ച് മറിയുകയായിരുന്നു. റോഡില് വീണ മുഹമ്മദലിയെ മണ്ണാര്ക്കാട് മദര് കെയര് ആശുപത്രിയില് എത്തിച്ചെങ്കിലും രക്ഷിക്കാനായില്ല.
