പത്തനംതിട്ട : ശബരിമല സ്വാമി അയ്യപ്പന്റെ ശ്രീകോവിലിനു മുന്നില് സംഗീതാര്ച്ചന നടത്തി കന്നി മാളികപ്പുറമായ യുവശ്രീ. തേടിവരും കണ്ണുകളില് എന്ന് തുടങ്ങുന്ന ഭക്തിഗാനത്തിന്റെ തമിഴ് വരികളാണ് യുവശ്രീ ആലപിച്ചത്. ചെന്നൈ സ്വദേശിനിയായ യുവശ്രീ അച്ഛന് ബാലാജിയോടൊപ്പമാണ് ദര്ശനത്തിനെത്തിയത്. ബുധനാഴ്ച ഉച്ചപൂജയ്ക്ക് മുമ്പാണ് യുവശ്രീ അയ്യപ്പ സ്വാമിക്കു മുന്നില് സംഗീതാര്ച്ചന നടത്തിയത്. മൂന്നു വര്ഷമായി കര്ണാടക സംഗീതം അഭ്യസിക്കുന്ന യുവശ്രീ ചെന്നൈ ഔവര്ലേഡി സെന്റര് മെട്രിക്കുലേഷന് സ്കൂളില് നാലാം ക്ലാസ് വിദ്യാര്ഥിനിയാണ്.
