റായ്പൂര്: ഛത്തീസ്ഗഢിലെ ബിലാസ്പൂരില് റീല്സ് ചിത്രീകരണത്തിനിടെ വിദ്യാര്ത്ഥി കോളജ് കെട്ടിടത്തില് നിന്ന് വീണ് മരിച്ചു. ഇക്കഴിഞ്ഞ വെള്ളിയാഴ്ചയാണ് സംഭവം. സുഹൃത്തുക്കളോടൊപ്പം ഇന്സ്റ്റാഗ്രാം റീല് ചിത്രീകരിക്കാന് ശ്രമിച്ച 20 കാരനായ യുവാവ് കോളേജ് കെട്ടിടത്തിന്റെ ജനാലയുടെ സണ് ഷെയ്ഡില് നിന്ന് വീഴുകയായിരുന്നു. ഒന്നാം വര്ഷ ബാച്ച്ലര് ഓഫ് സയന്സ് വിദ്യാര്ഥിയായ അശുതോഷ് സാവോ ആണ് മരിച്ചത്. തന്റെ അഞ്ച് സുഹൃത്തുക്കളോടൊപ്പം കോളജ് കെട്ടിടത്തിന്റെ ടെറസിലേക്ക് ഇന്സ്റ്റഗ്രാം റീലുകള് ഷൂട്ട് ചെയ്യാന് പോയതായിരുന്നു സാവോ.
ഗവണ്മെന്റ് സയന്സ് കോളേജില് ഉച്ചയോടെയാണ് സംഭവം. അപകട മരണത്തിന് കേസ് രജിസ്റ്റര് ചെയ്ത് അന്വേഷണം നടത്തിവരികയാണെന്നും പോലീസ് അറിയിച്ചു. ഇയാളെ രക്ഷിക്കാന് സുഹൃത്തുക്കള് ഓടിയെത്തിയെങ്കിലും ഗുരുതരമായി പരിക്കേറ്റ് സംഭവസ്ഥലത്ത് തന്നെ മരിച്ചുവെന്ന് പോലീസ് പറഞ്ഞു. സംഭവത്തില് അസ്വാഭാവിക മരണത്തിനാണ് കേസെടുത്തിരിക്കുന്നത്.