പാലാ: ബിലീവേഴ്സ് ഈസ്റ്റേൺ സഭയുടെ ഉടമസ്ഥതയിലുള്ള ചെറുവള്ളി എസ്റ്റേറ്റിന്റെ ഉടമസ്ഥാവകാശവും ആയി ബന്ധപ്പെട്ട് പാലാ കോടതിയിലുള്ള OS No. 72/2019 എന്ന നമ്പർ സിവിൽ കേസിൽ ബിലീവേഴ്സ് ഈസ്റ്റേൺ ചർച്ച് സേവ് ഫോറം കക്ഷി ചേർന്നു. ബിലീവേഴ്സ് ഈസ്റ്റേൺ സഭയുടെ ഉടമസ്ഥതയിലുള്ള ചെറുവള്ളി എസ്റ്റേറ്റ് ഏറ്റെടുക്കുന്നതിൽ സഭാ വിശ്വാസികളുടെ ഭാഗം കൂടി കേൾക്കണമെന്ന് ആവശ്യപ്പെട്ടുകൊണ്ടാണ് ഹർജി ബോധിപ്പിച്ചിട്ടുള്ളത്.
ഫോറത്തിനു വേണ്ടി പ്രസിഡന്റ് അഡ്വ.സ്റ്റീഫൻ ഐസക്ക്, വിശ്വാസികൾക്കു വേണ്ടി ഡോ. ജോൺസൺ വി.ഇടിക്കുള എന്നിവരാണ് കോടതിയിൽ പ്രത്യേകം ഹർജി സമർപ്പിച്ചത്. സഭയുടെ സ്വത്ത് എന്ന് അംഗീകരിച്ചുകൊണ്ടുള്ള ക്രയവിക്രയങ്ങൾക്ക് മാത്രമേ നിയമ സാധുത നൽകാവൂ എന്നും ബിലീവേഴ്സ് ഈസ്റ്റേൺ ചർച്ച് സേവ് ഫോറം ആവശ്യപ്പെട്ടു.
