തിരുവനന്തപുരം : എന്ഫോഴ്സ്മെന്റ് ഡയറക്ടറുടെ ചോദ്യം ചെയ്യലിനായി ബിനീഷ് കോടിയേരി ബെംഗളൂരുവിലേക്ക് തിരിച്ചു. സഹോദരന് ബിനോയ് കോടിയേരിക്കും രണ്ട് സുഹൃത്തുക്കള്ക്കും ഒപ്പമാണ് യാത്ര. നാളെ ചോദ്യം ചെയ്യലിന് ഹാജരാകാനാണ് ബിനീഷിന് നോട്ടീസ് നല്കിയിരിക്കുന്നത്.
ബെംഗളൂരുവില് നടന്ന മയക്കുമരുന്ന് കേസുമായി ബന്ധപ്പെട്ട ചോദ്യം ചെയ്യലിനാണ് ബിനീഷ് കോടിയേരിയെ ബെംഗളൂരു എന്ഫോഴ്സ്മെന്റ് ഹാജരാകാന് ആവശ്യപ്പെട്ടിരിക്കുന്നത്. നാര്ക്കോട്ടിക് കണ്ട്രോള് ബ്യൂറോയുടെ പിടിയിലായ അനൂപ് മുഹമ്മദ്, റിജേഷ് രവീന്ദ്രന് , അനിഖ എന്നിവരെ ജയിലിലെത്തി ഇഡി ഉദ്യോഗസ്ഥര് കഴിഞ്ഞ ദിവസങ്ങളില് ചോദ്യം ചെയ്തിരുന്നു. ചോദ്യം ചെയ്യലില് അനൂപില്നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് ബിനീഷിനെ വിളിച്ചു വരുത്തുന്നത്. കഴിഞ്ഞയാഴ്ചയാണ് എന്ഫോഴ്സ്മെന്റ് ഡയറക്റേറ്റ് കേസെടുത്തത്.
2015ല് കമ്മനഹള്ളിയില് ഹോട്ടല് തുടങ്ങാന് ബിനീഷ് പണം നല്കി സഹായിച്ചെന്നും അനൂപ് എന്സിബിക്ക് മൊഴി നല്കിയിരുന്നു. ബിനീഷിന്റെ ബിനാമിയാണെന്ന് ആരോപിക്കപ്പെടുന്ന തിരുവനന്തപുരത്തെ യുഎഫ്എക്സ് സൊലൂഷ്യന്സ് എന്ന കറന്സി എക്സ്ചേഞ്ച് കമ്പനി ഉടമ അബ്ദുള് ലത്തീഫിനെ കസ്റ്റംസ് ചോദ്യം ചെയ്തിരുന്നു.
