ന്യൂഡല്ഹി കേന്ദ്ര ബജറ്റിനെതിരെ കടുത്ത വിമര്ശനവുമായി സി പി ഐ നേതാവും രാജ്യസഭാ എം പിയുമായ ബിനോയ് വിശ്വം. കൊവിഡ് വാക്സിന് സൗജന്യമായി നല്കുമെന്ന് പറഞ്ഞ കേന്ദ്രം ജനങ്ങങ്ങളെ കബളിപ്പിച്ചെന്ന് ബിനോയ് വിശ്വം പറഞ്ഞു. കൊവിഡ് വാക്സിന് സൗജന്യമാക്കുന്നത് സംബന്ധിച്ച് ഒന്നും ബജറ്റിലില്ല. കണ്ണുകെട്ടിന്റെയും വഞ്ചനയുടെയും
ബജറ്റാണ് ധനമന്ത്രി നിര്മല സീതാരാമന് അവതരിപ്പിച്ചിരിക്കുന്നത്.
ഇത് നൂറ്റാണ്ടിന്റെ ബജറ്റെന്നാണ് ധനമന്ത്രി വിശേഷിപ്പിച്ചത്. ഇതാണ് നൂറ്റാണ്ടിന്റെ ബജറ്റെങ്കില് ഈ നൂറ്റാണ്ട് എത്ര ഭയാനകമായിരിക്കും?. പാവങ്ങളുടെ ജീവിതങ്ങള്, തൊഴിലല്ലായ്മ, വിലവര്ധനവ്, കാര്ഷിക പ്രശ്നങ്ങള് തുടങ്ങിയവയാണ് ഈ അടുത്ത ദശകങ്ങളിലെ ഏറ്റവും വലിയ പ്രശ്നം. ഇതിനൊന്നും തൃപ്തികരമായ ഉത്തരവും ബജറ്റിലില്ലെന്നും അദ്ദേഹം പറഞ്ഞു.
