തിരുവനന്തപുരം : ശ്രീകാര്യത്തെ ചന്തയിൽ സ്ഥാപിച്ചിരുന്ന ബയോ ഗ്യാസ് പ്ലാന്റ് പൊട്ടി. ആറ് കിലോമീറ്റർ ചുറ്റളവിൽ ദുർഗന്ധം വ്യാപിച്ചു. ഫയർഫോഴ്സ് എത്തിയാണ് റോഡിലൂടെ ഒഴുകിയ മാലിന്യം നീക്കിയത്. ശ്രീകാര്യം പബ്ലിക് മാർക്കറ്റിലെ തിരുവനന്തപുരം കോർപറേഷന്റെ ഉടമസ്ഥയിലുള്ള ബയോഗ്യാസ് പ്ലാന്റാണ് പൊട്ടിയത്. 250 കിലോ സംഭരണശേഷിയുള്ള ടാങ്ക് പൊട്ടിയൊലിച്ചതോടെ ദുർഗന്ധം സഹിക്കാനാവാതെ ജനം വലഞ്ഞു. നാട്ടുകാർ ചേർന്നാണ് താൽക്കാലികമായി ടാങ്ക് അടച്ചത്.
ഒരു മണിക്കൂർ കഴിഞ്ഞാണ് കോർപറേഷൻ ഉദ്യോഗസ്ഥരെത്തിയത്. 2007ലാണ് കോർപറേഷൻ ബയോടെക്കിനെ കൊണ്ട് പ്ലാന്റ് സ്ഥാപിച്ചത്. കഴിഞ്ഞ രണ്ടു വർഷമായി അറ്റകുറ്റപണി നടത്താത്തതാണ് ബയോഗ്യാസ് പ്ലാന്റ് പൊട്ടാൻ കാരണം. മുൻകൂർ പണം അടയ്ക്കാത്തതിനാലാണ് മെയിന്റനൻസ് ചെയ്യാത്തതെന്ന് ബയോടെക് നഗരസഭ അറിയിച്ചു.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
