ന്യൂഡല്ഹി : പക്ഷിപ്പനി പടർന്നു പിടിക്കുന്ന സാഹചര്യത്തിൽ ഡല്ഹിയിലെ 3 മുനിസിപ്പൽ കോർപ്പറേഷനുകളിൽ കോഴിയിറച്ചി വില്പനക്ക് വിലക്ക്. അതേസമയം ഡല്ഹിയിൽ നിന്നും പരിശോധക്ക് അയച്ച കോഴികൾക്ക് പക്ഷി പനി ഇല്ലെന്ന് അധികൃതർ അറിയിച്ചു. പക്ഷി പനി സ്ഥിരീകരിച്ച രാജസ്ഥാൻ ഉത്തർപ്രദേശ് ഹിമചൽ ഉൾപ്പെടുന്ന സംസ്ഥാനങ്ങളിൽ കേന്ദ്ര ആരോഗ്യ വകുപ്പിന്റെ നേതൃത്വത്തിൽ പ്രതിരോധപരിപാടികൾ നടക്കും.
പക്ഷിപ്പനി സ്ഥിരീകരിച്ച സ്ഥലങ്ങളിലെ പാർക്കുകൾ അടച്ചു പൂട്ടുകയും ശുചികരണ പ്രവർത്തനങ്ങൾ നടത്തുകയും ചെയ്യുകയാണ്. 70°c ചൂടിന് മുകളിൽ ചൂടാക്കിയ മാംസത്തിൽ വൈറസിന് ജീവിക്കാൻ കഴിയില്ലെന്നും അതിനാൽ മാംസം 70°cക്ക് മുകളിൽ ചൂടാക്കിയാൽ ഭക്ഷ്യയോഗ്യമാണെന്നും ലോകാരോഗ്യസംഘടന അറിയിച്ചു.
