കൊച്ചി: സിറോ മലബാര് സഭ ഭൂമി ഇടപാട് കേസില് കര്ദിനാള് മാര് ജോര്ജ് ആലഞ്ചേരി ഇന്ന് കാക്കനാട് മജിസ്ട്രേറ്റ് കോടതിയില് ഹാജരാകും.മജിസ്ട്രേറ്റ് കോടതിയില് നേരിട്ട് ഹാജരാകുന്നതില് നിന്നും ഒഴിവാക്കണമെന്നാവശ്യപ്പെട്ട് കര്ദിനാള് നല്കിയ ഹര്ജി ഇന്നലെ സുപ്രീംകോടതി തള്ളിയിരുന്നു.പ്രായം കണക്കിലെടുത്ത് ഇളവ് നല്കണമെന്നായിരുന്നു ആലഞ്ചേരിയുടെ പ്രധാന ആവശ്യം. എന്നാല് കോടതി ഈ ആവശ്യം തള്ളുകയായിരുന്നു.ഭൂമി ഇടപാടുമായി ബന്ധപ്പെട്ട് ഏഴ് കേസുകളാണ് കാക്കനാട് മജിസ്ട്രേറ്റ് കോടതിയുടെ പരിഗണനയിലുള്ളത്. കര്ദിനാള് നേരിട്ട് ഹാജരാകണമെന്ന് ജൂണ് 21 നാണ് കാക്കനാട് ഒന്നാംക്ലാസ് ജുഡീഷ്യല് മജിസ്ട്രേറ്റ് കോടതി ഉത്തരവിടുന്നത്.
കേസ് റദ്ദാക്കണമെന്നാവശ്യപ്പെട്ടുള്ള കര്ദിനാളിന്റെ ഹര്ജി ജനുവരിയില് രണ്ടാംവാരത്തോടെ സുപ്രീംകോടതി പരിഗണിക്കും. ആധാരം വിലകുറച്ച് കാണിച്ച് കോടികളുടെ ഇടപാട് നടത്തിയതുമായി ബന്ധപ്പെട്ടാണ് ഇഡി കേസ്. കര്ദിനാള് മാര് ജോര്ജ് ആലഞ്ചേരി അടക്കം 24 പേരാണ് കേസിലെ പ്രതികള്. നികുതി വെട്ടിപ്പ് നടത്തിയതില് ആദായ നികുതി വകുപ്പ് സഭയ്ക്ക് 6.5 കോടി പിഴ ഇട്ടിരുന്നു.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
