തിരുവനന്തപുരം : പാട്ടഭൂമിയില് നിന്ന് മണല് കടത്താന് കരാറുകാരനുമായി ധാരണാപത്രം ഒപ്പിട്ടിരുന്നു തമിഴ്നാട്ടിലെ ഖനനം സങയുടെ അറിവോടെ. മലങ്കര കത്തോലിക്ക സഭാ ബിഷപ്പ് സാമുവല് മാര് ഐറേനിയസ് അടക്കം വൈദികര് അറസ്റ്റിലായ മണല്ക്കടത്ത് കേസില് തെളിവുകള് പുറത്ത് വന്നു. തമിഴ്നാട്ടിലെ മണല് ഖനനവും കടത്തും വൈദികരുടെ അറിവോടെയാണെന്നാണ് പുതിയ രേഖകള് വെളിവാക്കുന്നത്. പാട്ടത്തിന് നല്കിയ ഭൂമിയില് നിന്ന് മണ്ണെടുക്കാനും വില്ക്കാനും പാട്ടക്കാരനുമായി ധാരണാപത്രം ഒപ്പിട്ടു.
ഓരോ ലോഡ് മണ്ണിനും 2000 മുതല് 2500 രൂപ വരെ സഭക്കുള്ള വിഹിതം നല്കണമെന്ന കരാറും ഒപ്പിട്ടു. സംഭവത്തില് പത്തനംതിട്ട ബിഷപ്പിന്റെ അറസ്റ്റിന് ശേഷം ഇക്കാര്യങ്ങള് സഭ മറച്ചു വെയ്ക്കുകയായിരുന്നു. ഭൂമി നല്കിയത് കൃഷി ആവശ്യത്തിനെന്നായിരുന്നു സഭാ വിശദീകരണം. എന്നാല് അങ്ങനെയല്ല കാര്യങ്ങള് എന്ന് വ്യക്തമാക്കുന്ന കരാര് നല്കിയ മാനുവല് ജോര്ജുമായി സഭ ഒപ്പട്ട കരാര് രേഖയാണ് ഇപ്പോള് പുറത്ത് വന്നത്. കരാര് ഒപ്പിട്ടത് 2019 ആഗസ്റ്റില് ആണ്.
തമിഴ്നാട്ടിലെ അംബാസമുദ്രത്ത് പത്തനംതിട്ട രൂപയ്ക്ക് 300 ഏക്കര് സ്ഥലമുണ്ട്. 40 വര്ഷമായി സഭയുടെ അധീനതയിലുള്ള ഈ സ്ഥലം കൃഷി ചെയ്യുന്നതിനായി മാനുവല് ജോര്ജ് എന്ന വ്യക്തിയെ കരാര്പ്രകാരം ചുമതലപ്പെടുത്തിയിരുന്നു. കൊവിഡ് കാലമായിരുന്നതിനാല് കഴിഞ്ഞ രണ്ട് വര്ഷമായി രൂപതാ അധികൃതര്ക്ക് ഈ സ്ഥലത്ത് നേരിട്ട് പോകുവാന് കഴിഞ്ഞിരുന്നില്ല. ഈ കാലയളവില് മാനുവല് ജോര്ജ് കരാര് വ്യവസ്ഥ ലംഘിച്ചതായി അറിഞ്ഞതോടെ അദ്ദേഹത്തെ കരാറില് നിന്ന് ഒഴിവാക്കാന് നിയമ നടപടികള് ആരംഭിക്കുകയും ചെയ്തു. വസ്തുവിന്റെ യഥാര്ത്ഥ ഉടമസ്ഥന് എന്ന നിലയില് രൂപതാ അധികാരികളെ ഇത് സംബന്ധിച്ച് അന്വേഷണപരിധിയില് ഉള്പ്പെടുത്തിയിട്ടുണ്ട്. മാനുവല് ജോര്ജിനെതിരെ രൂപത നിയമ നടപടികള് ആരംഭിച്ചിട്ടുണ്ട്. ഇതായിരുന്നു രൂപതയുടെ വിശദീകരണം. ഇത് തെറ്റാണെന്ന് തെളിയിക്കുന്ന കരാര് രേഖകളാണ് ഇപ്പോള് പുറത്തായത്.
അനധികൃത മണല്ക്കടത്ത് കേസില് മലങ്കര കത്തോലിക്കാ സഭയുടെ പത്തനംതിട്ട ബിഷപ്പ് സാമുവല് മാര് ഐറേനിയസ് ഇക്കഴിഞ്ഞ എട്ടാം തിയതിയാണ് തിരുനെല്വേലിയില് അറസ്റ്റിലായത്. താമരഭരണി നദിയില് നിന്ന് അനധികൃതമായി മണല് കടത്തിയതിനാണ് ബിഷപ്പ് അറസ്റ്റിലായത്. വികാരി ജനറല് ഷാജി തോമസ് മണിക്കുളവും പുരോഹിതന്മാരായ ജോര്ജ് സാമുവല്, ഷാജി തോമസ് ,ജിജോ ജെയിംസ്, ജോര്ജ് കവിയല് എന്നിവരും അറസ്റ്റിലായി. എല്ലാ പ്രതികളേയും റിമാന്ഡ് ചെയ്തു. നെഞ്ചുവേദന അനുഭവപ്പെട്ട ബിഷപ്പിനെയും വികാരി ജനറലിനെയും പിന്നീട് തിരുനല്വേലി മെഡിക്കല് കോളജ് ആശുപത്രിയിലേക്ക് മാറ്റുകയും ചെയ്തു.
അനധികൃത മണല് ഖനനക്കേസില് അറസ്റ്റിലായ ബിഷപ്പ് സാമുവല് മാര് ഐറേനിയസിന് ഈ മാസം പതിനഞ്ചിനാണ് ജാമ്യം കിട്ടിയത്. മദ്രാസ് ഹൈക്കോടതി മധുര ബെഞ്ചാണ് ജാമ്യം അനുവദിച്ചത്. മലങ്കര കത്തോലിക്കാ സഭയുടെ പത്തനംതിട്ട ബിഷപ്പ് സാമുവല് മാര് ഐറേനിയസ്, വികാരി ജനറല് ഷാജി തോമസ് മണിക്കുളം, പുരോഹിതന്മാരായ ജോര്ജ് സാമുവല്, ഷാജി തോമസ്, ജിജോ ജെയിംസ്, ജോര്ജ് കവിയല് എന്നിവരെ ക്രൈംബ്രാഞ്ച് കുറ്റാന്വേഷണ വിഭാഗം തിരുനല്വേലി യൂണിറ്റാണ് അറസ്റ്റ് ചെയ്തത്. മൂന്ന് വര്ഷത്തിലേറെ പഴക്കമുള്ള കേസില് അന്വേഷണം നടന്നുവരികയായിരുന്നു.
നാല്പ്പത് വര്ഷത്തിലേറെയായി സഭയുടെ ഉടമസ്ഥതയില് 300 ഏക്കര് സ്ഥലം ഇവിടെയുണ്ട്. ഈ സ്ഥലം കോട്ടയം സ്വദേശി മാനുവല് ജോര്ജ് എന്നയാള്ക്ക് പാട്ടത്തിന് നല്കിയിരുന്നു. ഇവിടെ ക്രഷര് യൂണിറ്റിനും കരിമണല് ഖനനത്തിനും അനുമതി നേടിയ മാനുവല് ജോര്ജ് താമരഭരണി നദിയില് നിന്ന് 27,774 ക്യുബിക് മീറ്റര് മണല് കടത്തിയെന്ന് സബ് കളക്ടറുടെ പരിശോധനയില് കണ്ടെത്തിയിരുന്നു. സ്ഥലത്തിന്റെ ഉടമകള്ക്ക് 9.57 കോടി രൂപ ചുമത്തുകയും ചെയ്തു. എന്നാല് ലോക്കല് പൊലീസിന്റെ അന്വേഷണം പാതിയില് നിലച്ചു. നാട്ടുകാരുടേയും പരിസ്ഥിതി പ്രവര്ത്തകരുടേയും പരാതിയെത്തുടര്ന്ന് മദ്രാസ് ഹൈക്കോടതിയുടെ മധുര ബെഞ്ച് കേസ് കഴിഞ്ഞ വര്ഷം ക്രൈംബ്രാഞ്ചിന് വിട്ടിരുന്നു. ചോദ്യം ചെയ്യാന് തിരുനെല്വേലിയിലേക്ക് വിളിച്ച് വരുത്തിയ ബിഷപ്പിനേയും വൈദികരേയും ക്രൈംബ്രാഞ്ച് അറസ്റ്റ് ചെയ്യുകയായിരുന്നു.
