തൃശൂര് : തൃശൂര് കൊടുങ്ങല്ലൂരില് മുഖ്യമന്ത്രി പിണറായി വിജയനെതിരെ പ്രകോപനപരമായ മുദ്രാവാക്യം വിളിച്ച സംഭവത്തില് 500 ഓളം ബിജെപി പ്രവര്ത്തകര്ക്കെതിരെ കേസെടുത്തു. മൂന്ന് പേരെ അറസ്റ്റ് ചെയ്തെന്നും പോലീസ് അറിയിച്ചു. സത്യേഷ് ബലിദാന ദിനാചരണത്തിന്റെ ഭാഗമായി കൊടുങ്ങല്ലൂരില് നടന്ന പ്രകടനത്തിലാണ് മുഖ്യമന്ത്രി പിണറായി വിജയനെ വെട്ടിനുറുക്കുമെന്ന മുദ്രാവാക്യം വിളിയുയര്ന്നത്.
ഇതിന്റെ ദൃശ്യങ്ങള് ബിജെപിയുടെ സംസ്ഥാന വക്താവ് സന്ദീപ് വചസ്പതി ഫെയ്സ് ബുക്ക് പേജിലൂടെ പങ്കിട്ടിരുന്നു. തുടര്ന്ന് വീഡിയോ സാമൂഹ്യ മാധ്യമങ്ങളില് വ്യാപകമായി പ്രചരിച്ചു. ഇതിന് പിന്നാലെയാണ് പോലീസ് നടപടി. കൊവിഡ് പ്രോട്ടോക്കോള് ലംഘനത്തിനും ഗതാഗത തടസ്സമുണ്ടാക്കിയതിനും ബിജെപി പ്രവര്ത്തകര്ക്കെതിരെ നേരത്തെ കേസെടുത്തിരുന്നു. പ്രകോപനപരമായ മുദ്രാവാക്യം വിവാദമായതോടെ കേസില് ഇതുമായി ബസപ്പെട്ട വകുപ്പുകള് കൂടി കൂട്ടിച്ചേര്ക്കുകയായിരുന്നുവെന്ന് പോലീസ് അറിയിച്ചു.
