ബെംഗളൂരു: ‘ദി കേരള സ്റ്റോറി’ എന്ന സിനിമയെക്കുറിച്ചുള്ള ചര്ച്ചകള് പുരോഗമിക്കുന്നതിനിടെ, ബെംഗളുരുവില് കേരള സ്റ്റോറി ഇന്ന് രാത്രി പ്രദര്ശിപ്പിക്കാന് തീരുമാനിച്ച് ബിജെപി. ബി ജെ പി ദേശീയ അധ്യക്ഷന് ജെ പി നദ്ദയടക്കമുള്ളവര് സിനിമ കാണാനെത്തും. സിനിമയുടെ പ്രത്യേക സ്ക്രീനിംഗ് നടത്താനാണ് ബി ജെ പി തീരുമാനിച്ചിരിക്കുന്നത്. ബെംഗളുരു എം ജി റോഡിലെ ഗരുഡ മാളിലെ ഐനോക്സിലാണ് സിനിമയുടെ പ്രദര്ശനം നടക്കുക.
കേരള സ്റ്റോറിയുടെ സ്ക്രീനിംഗ് കാണാന് പെണ്കുട്ടികളെത്തണമെന്ന പ്രത്യേക ക്ഷണവും ബി ജെ പി നല്കിയിട്ടുണ്ട്. രാത്രി എട്ട് നാല്പ്പത്തിയഞ്ചിനാണ് സിനിമ പ്രദര്ശിപ്പിക്കുക. അതേസമയം തമിഴ്നാട്ടില് ദി കേരള സ്റ്റോറിയുടെ പ്രദര്ശനം മള്ട്ടിപ്ലെക്സ് തിയറ്ററുകള് അവസാനിപ്പിച്ചു. തമിഴ്നാട് മള്ട്ടിപ്ലെക്സ് അസോസിയേഷന്റെ തീരുമാനപ്രകാരമാണ് നീക്കം. ക്രമസാധാന പ്രശ്നങ്ങള് ഉണ്ടാവാനുള്ള സാധ്യതയ്ക്കൊപ്പം ചിത്രം കാണാന് കാര്യമായി പ്രേക്ഷകര് എത്തുന്നില്ലെന്ന വസ്തുത കൂടി പരിഗണിച്ചാണ് അസോസിയേഷന് തീരുമാനത്തില് എത്തിയത്.
