റാന്നി : ഗ്രാമപഞ്ചായത്തിലെ നാലാം വാർഡിൽ കൂടി കടന്നു പോകുന്ന തിരുവാഭരണ പാതയിൽ സ്വകാര്യ കമ്പനിക്ക് കേബിൾ സ്ഥാപിക്കുന്നതിന് വേണ്ടി അനുവാദം നൽകുകയും അത് ഭരണസമിതിയിൽ നിന്നും മറച്ചുവെച്ച് പഞ്ചായത്ത് സെക്രട്ടറി ചട്ടലംഘനം നടത്തിയതിലും പ്രതിഷേധിച്ചു ഭരതീയ ജനതാ പാർട്ടി റാന്നി പഞ്ചായത്ത് ഓഫീസിന് മുൻപിൽ പ്രതിഷേധ ധർണ്ണ സംഘടിപ്പിച്ചു.
ബി ജെ പി റാന്നി പഞ്ചായത്തു കമ്മറ്റിയുടെ നേതൃത്വത്തിൽ നടത്തിയ പ്രതിഷേധ യോഗത്തിൽ പഞ്ചായത്ത് കമ്മറ്റി പ്രസിഡന്റ് വിനോദ് കുമാർ അധ്യക്ഷത വഹിച്ചു. ജില്ലാ സെക്രട്ടറി അഡ്വ . ഷൈൻ ജീ കുറുപ്പ് ധർണ്ണ ഉദ്ഘാടനം ചെയ്തു. ജില്ലാ ട്രെഷറർ ശ്രീ . ഗോപാലകൃഷ്ണൻ കർത്താ, റാന്നി മണ്ഡലം പ്രസിഡന്റ് സന്തോഷ് കുമാർ, രവീന്ദ്രൻ മന്ദിരം,വിനോദ് കുമാർ, അനോജ് കുമാർ, അനീഷ് നായർ , സ്മിതാ പാലക്കൽ, ഗിരീഷ് കുമാർ എന്നിവർ പ്രസംഗിച്ചു.
