പത്തനംതിട്ട : കേന്ദ്ര മാതൃകയിൽ സംസ്ഥാനവും പെട്രോളിയം ഉല്പന്നങ്ങളുടെ നികുതി കുറയ്ക്കണമെന്ന് ആവശ്യപ്പെട്ടുകൊണ്ട് ബിജെപി കോന്നി മണ്ഡലം കമ്മിറ്റിയുടെ നേതൃത്വത്തിൽ സായാഹ്ന ധർണ്ണ ഇന്ന് കോന്നി ചന്തമൈതാനിയിൽ നടത്തി. ബിജെപി കോന്നി നിയോജകമണ്ഡലം പ്രസിഡന്റ് കെ ആർ രാകേഷ് അധ്യക്ഷനായിരുന്ന യോഗത്തിൽ ബിജെപി ജനറൽ സെക്രട്ടറി അജിത്ത് പുല്ലാട് ഉദ്ഘാടനം നിർവഹിച്ചു. ബിജെപി ജില്ലാ സെക്രട്ടറിമാരായ സലിം കുമാർ, ബിന്ദു പ്രകാശ്, മഹിളാമോർച്ച ജില്ലാ പ്രസിഡന്റ് മീന എം നായർ, ബിജെപി മണ്ഡലം വൈസ് പ്രസിഡന്റ് ചിറ്റൂർ കണ്ണൻ, ബിജെപി കോന്നി പഞ്ചായത്ത് പ്രസിഡന്റ് സുജിത് ബാലഗോപാൽ തുടങ്ങിയവർ പങ്കെടുത്തു.
