മുംബൈ: സോലാപുരില്‍ നിന്നുള്ള ബിജെപി എംപിയുടെ ജാതി സര്‍ട്ടിഫിക്കറ്റ് വ്യാജമെന്ന് കണ്ടെത്തല്‍. ബിജെപി എംപിയും ലിംഗായത്ത് സന്യാസിയുമായ ജയ് സിദ്ധേശ്വര്‍ സ്വാമിയുടെ സര്‍ട്ടിഫിക്കറ്റാണ് വ്യാജമെന്ന് കണ്ടെത്തിയിരിക്കുന്നത്. സ്വാമി പട്ടികജാതി വിഭാഗത്തില്‍ ഉള്‍പ്പെടില്ലെന്നാണ് കണ്ടെത്തിയത്. വഞ്ചിത് ബഹുജന്‍ അഘാഡി (വിബിഎ) നേതാവ് പ്രമോദ് ഗായ്ക്‌വാഡിന്റെ പരാതിയില്‍ സോലാപുര്‍ ജില്ല കാസ്റ്റ് വെരിഫിക്കേഷന്‍ കമ്മിറ്റിയുടേതാണ് കണ്ടെത്തല്‍.
ഇക്കാര്യം ചൂണ്ടിക്കാട്ടി തഹസില്‍ദാര്‍ക്ക് പരാതി നല്‍കണമെന്നും നിര്‍ദേശം നല്‍കിയിട്ടുണ്ട്. അതേസമയം ഈ തീരുമാനത്തിനെതിരെ ബോംബെ ഹൈക്കോടതിയെ സമീപിക്കുമെന്ന് സിദ്ധേശ്വര്‍ സ്വാമിയുടെ അഭിഭാഷകന്‍ പറഞ്ഞു. പാര്‍ലമെന്റ് തെരഞ്ഞെടുപ്പില്‍ മുന്‍ കേന്ദ്ര ആഭ്യന്തര മന്ത്രി സുശീല്‍കുമാര്‍ ഷിന്‍ഡെയെയും പ്രകാശ് അംബേദ്കറെയും പരാജയപ്പെടുത്തിയാണ് സ്വാമി ലോക്സഭാംഗത്വം നേടിയത്. എന്നാല്‍ പുതിയ വിവാദങ്ങളോടെ എംപി സ്ഥാനം പ്രതിസന്ധിയിലായി.
