ബംഗാൾ: പൊതുയോഗം നടക്കുമ്പോൾ രോഗിയുമായി വന്ന ആംബുലൻസിന് കടന്ന് പോകാൻ വഴി കൊടുക്കാത ബി.ജെ.പി എം.പി. ഇന്നലെ ബംഗാളിൽ ബി.ജെ.പി എം.പി ദിലീപ് ഘോഷ് നടത്തിയ റാലിയിലാണ് പ്രവർത്തകർ റോഡ് ഉപരോധിച്ചത്. രോഗിയുമായി വന്ന ആംബുലൻസിന് വഴിയൊരുക്കാൻ എം.പിയോ പ്രവ‌ർത്തകരോ തയ്യാറാവാത്തതിന്റെ വീഡിയോ ഒരു ദേശീയ മാദ്ധ്യമമാണ് പുറത്ത് വിട്ടത്. ഞാൻ റാലി നടത്തുന്ന റോഡിൽ എന്തുകൊണ്ടാണ് ആംബുലൻസ് വന്നത് എന്നായിരുന്നു എം.പി ദിലീപ് ഘോഷിന്റെ പ്രതികരണം. പ്രവർത്തകർ റോഡിൽ നിന്നും മാറാൻ തയ്യാറാവത്തതിനെ തുടർന്ന് ആംബുലൻസ് മറ്റൊരു വഴിയിലൂടെ ആശുപത്രിയിലേക്ക് പോവുകയായിരുന്നു.
