തിരുവനന്തപുരം: ജയിലുകളെ കോടതികളുമായി ബന്ധിപ്പിക്കുന്ന വീഡിയോ കോണ്ഫറന്സ് പദ്ധതിക്ക് തുടക്കമായി. മുഖ്യമന്ത്രി പിണറായി വിജയന് പദ്ധതിയുടെ ഉദ്ഘാടനം നിര്വ്വഹിച്ചു. ആദ്യ ഘട്ടത്തില് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലെ 13 ജയിലുകളിലാണ് ഈ സംവിധാനം ഏര്പ്പെടുത്തിയിരിക്കുന്നത്. റിമാന്ഡില് കഴിയുന്ന പ്രതികളെ കോടതിയില് കൊണ്ടുപോകാതെ വീഡിയോ കോണ്ഫറന്സ് വഴി ജഡ്ജിയുമായി ബന്ധിപ്പിക്കുന്ന പദ്ധതിയാണിത്. പദ്ധതി മാര്ച്ച് 31 നുള്ളില് സംസ്ഥാനത്ത് പൂര്ണ്ണമായും നടപ്പിലാക്കുമെന്ന് മുഖ്യമന്ത്രി പിണറായി വിജയന് വ്യക്തമാക്കി.
