ബെംഗളുരു: എച്ച് ഡി കുമാരസ്വാമി ചന്നപട്ടണയ്ക്ക് പിന്നാലെ മാണ്ഡ്യയില് കൂടി മത്സരിച്ചാല് എതിര് സ്ഥാനാര്ഥിയായി നിലവില് എംപിയായ സുമലത മത്സരിച്ചേക്കും. ബിജെപി തരംഗം സംസ്ഥാനത്ത് ആഞ്ഞടിക്കുകയാണെന്നും പാര്ട്ടി പറഞ്ഞാല് നിയമസഭാ തെരഞ്ഞെടുപ്പില് മത്സരിക്കാന് തയ്യാറാണെന്നും സുമലത പറഞ്ഞു. നേരത്തേ ബിജെപിക്ക് സുമലത തുറന്ന പിന്തുണ പ്രഖ്യാപിച്ചിരുന്നു. ‘പാര്ട്ടിയില് നിന്ന് എനിക്ക് നിര്ദ്ദേശങ്ങളൊന്നും ലഭിച്ചിട്ടില്ല. എന്നിരുന്നാലും, ജെഡിഎസ് സ്ഥാനാര്ത്ഥി എം ശ്രീനിവാസിനെ പരാജയപ്പെടുത്താന് ബിജെപി സ്ഥാനാര്ത്ഥി അശോക് ജയറാമിന് കഴിവുണ്ടെന്ന് അവര് പറഞ്ഞു. വരാനിരിക്കുന്ന തെരഞ്ഞെടുപ്പില് മാണ്ഡ്യയിലെ ജനങ്ങള് ഒരു മാറ്റം തേടുകയാണെന്ന് സുമലത പറഞ്ഞു.
മാണ്ഡ്യ മേഖലയില് ബിജെപിക്ക് വേണ്ടി പ്രചാരണത്തിനിറങ്ങുമെന്നും പ്രധാനമന്ത്രി നരേന്ദ്രമോദിയുടെ വ്യക്തിപ്രഭാവം തന്നെ ആകര്ഷിച്ചുവെന്നും സുമലത പറഞ്ഞിരുന്നു. ഇതിന് പിന്നാലെയാണ് നിയമസഭാ തെരഞ്ഞെടുപ്പില് സുമലത മത്സരിക്കാനിറങ്ങുമെന്ന സൂചനകള് ശക്തമാകുന്നത്.
