കോന്നി : പ്രധാനമന്ത്രി നരേന്ദ്ര മോദിയെ കേരളത്തിന്റെ നിയമസഭയിൽ ഷംസീർ എംഎൽഎ അധിക്ഷേപിച്ചെന്ന് ആരോപിച്ചുകൊണ്ട് ബിജെപി പ്രമാടം ഏരിയ കമ്മിറ്റി ഷംസീറിന്റെ കോലം കത്തിച്ച് പ്രതിഷേധിച്ചു. ബിജെപി പ്രമാടം ഏരിയ പ്രസിഡന്റ് വി ശങ്കർ പ്രതിഷേധയോഗം ഉദ്ഘാടനം ചെയ്തു.
ഭാരതീയ കർഷക മോർച്ച ജില്ലാ ജനറൽ സെക്രട്ടറി എ ആർ രാജേഷ് കുമാർ മുഖ്യ പ്രഭാഷണം നടത്തി. ബിജെപി ഏരിയ സെക്രട്ടറിമാരായ എം ശിവപ്രസാദ്, അനീഷ് ആനന്ദ്, മഹിളാമോർച്ച ഏരിയ പ്രസിഡന്റ് രാജി മഹേഷ്, പ്രസിഡന്റുമാരായ ബിജീഷ്, അനിൽ ബാബു, ബൂത്ത് ജനറൽ സെക്രട്ടറിമാരായ ശ്യാമള ഗോപി, മല്ലിക വിശ്വനാഥൻ, സുനിൽ കുമാർ വലഞ്ചുഴി എന്നിവർ സംസാരിച്ചു.
