ചെന്നൈ: ഡിഎംകെയ്ക്കെതിരെ 1.34 ലക്ഷം കോടിയുടെ അഴിമതി ആരോപണവുമായി ബിജെപി. ഡിഎംകെ നേതാക്കളുടെ വന്കിട സ്വത്തുക്കളെക്കുറിച്ചുള്ള വിവരം സംസ്ഥാന ബിജെപി അധ്യക്ഷന് കെ. അണ്ണാമലൈ പുറത്തുവിട്ടു. മുഖ്യമന്ത്രി എം.കെ.സ്റ്റാലിനെയും മകനും കായികമന്ത്രിയുമായ ഉദയനിധി സ്റ്റാലിനെയും ലക്ഷ്യമിടുന്ന അണ്ണാമലൈ, മറ്റു നേതാക്കളുടെ അനധികൃത സ്വത്തുവകകളെന്ന് ആരോപിക്കുന്നവയുടെ പട്ടികയാണ് പുറത്തുവിട്ടിരിക്കുന്നത്.
2011ലെ നിയമസഭാ തിരഞ്ഞെടുപ്പിന് മുന്നോടിയായി ചെന്നൈ മെട്രോ റെയിലിന്റെ കരാര് ഉറപ്പാക്കാന് ഒരു കമ്പനിയെ അനുകൂലിച്ചതിന് തനിക്ക് ഇരുന്നൂറ് കോടി രൂപ കൈക്കൂലി നല്കിയെന്ന് മുഖ്യമന്ത്രി എംകെ സ്റ്റാലിനെ ലക്ഷ്യമിട്ട് അണ്ണാമലൈ ആരോപിച്ചു. ഷെല് കമ്പനികള് വഴിയാണ് പണം നല്കിയതെന്നും അദ്ദേഹം ആരോപിച്ചു. മന്ത്രിമാരായ ദുരൈ മുരുകന്, ഇ.വി. വേലു, കെ. പൊന്മുടി, വി. സെന്തില് ബാലാജി, മുന് കേന്ദ്രമന്ത്രി എസ്. ജഗത്രക്ഷകന് തുടങ്ങിയവരുടെ പേരിലുള്ളതെന്നുകൂടി അവകാശപ്പെടുന്ന 1.34 ലക്ഷം കോടി രൂപയുടെ സ്വത്തുക്കളെക്കുറിച്ചാണ് അണ്ണാമലൈ വെളിപ്പെടുത്തല് നടത്തിയിരിക്കുന്നത്.
