പത്തനംതിട്ട : മുളക്കുഴ പഞ്ചായത്തിലെ എല്ലാ സ്ഥലങ്ങളിലും തെരുവ് നായ – കാട്ടുപന്നി ശല്യം മൂലം നിരവധി അപകടങ്ങളാണ് ദിവസവും സംഭവിക്കുന്നത്. കാട്ടുപന്നി കാരണം കർഷകർക്ക് വളരെ വലിയ നഷ്ടമാണ് സംഭവിക്കുന്നത്. ഇത്രയും വിഷയങ്ങൾ ഉണ്ടായിട്ടും പഞ്ചായത്ത് അധികാരികൾ അനങ്ങപ്പാറനയമാണ് സ്വീകരിക്കുന്നതെന്ന് ബിജെപി സംസ്ഥാന കൗൺസിൽ അംഗം മധു ചുനക്കുര പറഞ്ഞു. ജനങ്ങളുടെ ജീവനും സ്വത്തിനും സംരക്ഷണം നൽകാൻ പഞ്ചായത്ത് അധികാരികളും ഭരണകൂടങ്ങളും തയ്യാറാകണമെന്നും എ.ബി.സി പോഗ്രാം നടപ്പിലാക്കാൻ തദ്ദേശ സ്ഥാപനങ്ങൾ നേതൃത്വം നൽകണമെന്നും സത്യാഗ്രഹ സമരം ഉദ്ഘാടനം ചെയ്ത് മധു ചുനക്കര ആവശ്യപ്പെട്ടു.
ബിജെപി പഞ്ചായത്ത് വൈസ് പ്രസിഡൻ്റ് എസ്.പി സുനിൽകുമാർ അധ്യക്ഷത വഹിച്ചു. മണ്ഡലം പ്രസിഡൻ്റ് പ്രമോദ് കാരയ്ക്കാട് മുഖ്യ പ്രഭാഷണം നടത്തി. മണ്ഡലം ജനറൽസെക്രട്ടറി അനീഷ് മുളക്കുഴ, മണ്ഡലം ട്രഷർ എസ്.വി പ്രസാദ്, മണ്ഡലം സെക്രട്ടറി വിനിജ സുനിൽ, ഗ്രാമപഞ്ചായത്തംഗങ്ങളായ സ്മിത വട്ടയത്തിൽ, പുഷ്പകുമാരി, പ്രിജിലിയ, പഞ്ചായത്ത് ജന:സെക്രട്ടറി ശരത്ത് ശ്യം, മണ്ഡലം കമ്മിറ്റിയംഗങ്ങളായ വി.എൻ സുരേന്ദ്രൻ, കെ. സുനിൽ കുമാർ, സുന്ദർശൻ മണ്ണാറക്കോട്, ശ്രീജ പ്രദീപ് ഉത്തമൻ അരീക്കര എന്നിവർ പ്രസംഗിച്ചു.
