കണ്ണൂര് : കണ്ണൂര് സര്വകലാശാല വൈസ് ചാന്സലര് നിയമനത്തില് പ്രതിഷേധിച്ച് മുഖ്യമന്ത്രി പിണറായി വിജയനു നേരെ യൂത്ത് കോണ്ഗ്രസ് പ്രവര്ത്തകര് കരിങ്കൊടി കാണിച്ചു. കഴിഞ്ഞ രണ്ട് ദിവസമായി കണ്ണൂരിലുണ്ടായിരുന്ന മുഖ്യമന്ത്രി ഇന്ന് രാവിലെ തിരുവനന്തപുരത്തേക്ക് മടങ്ങാനായി വിമാനത്താവളത്തിലേക്ക് പുറപ്പെട്ടപ്പോഴായിരുന്നു പ്രതിഷേധം. കണ്ണുര് മമ്പറത്ത് വെച്ചാണ് കരിങ്കൊടി കാണിച്ചത്.
സുധീപ് ജയിംസ്, കമല്ജിത്ത്, വിനീഷ് ചുളള്യാന്, പ്രിനില് മതുക്കോത്ത്, റിജിന് രാജ്, മുഹ്സിന് കീഴ്ത്തള്ളി, ഇമ്രാന് എന്നിവരുടെ നേതൃത്വത്തിലായിരുന്നു പ്രതിഷേധം. വിസി നിയമനത്തെ തുടര്ന്ന് ഗവര്ണര് ആരിഫ് ഖാനും പ്രതിഷേധം പ്രകടിപ്പിച്ചിരുന്നു. നിയമനത്തില് ഗവര്ണറെ മറികടന്ന് രാഷ്ട്രീയ ഇടപെടലാണ് നടക്കുന്നതെന്ന് ഗവര്ണര് ആരോപിച്ചിരുന്നു.
