തിരുവല്ല : മഴുവങ്ങാടിന് സമീപത്തെ മുല്ലേലിൽ തോടിന്റെ കരയിൽ ദിവസങ്ങൾ പഴക്കമുള്ള അജ്ഞാത മൃതദേഹം കണ്ടെത്തി. ഇന്ന് രാവിലെ 10 മണിയോടെയാണ് എംസി റോഡിൽ മുല്ലേലിൽ തോടിന് കുറുകെയുള്ള കലിങ്കിന്റെ സമീപത്തായി അഴുകിയ നിലയിലുള്ള പുരുഷന്റെ മൃതദേഹം കണ്ടെത്തിയത്. മൃതദേഹത്തിന് ഒരാഴ്ചയിലധികം പഴക്കം വരുമെന്ന് പോലീസ് പറഞ്ഞു. തിരുവല്ല പോലീസ് സ്ഥലത്തെത്തി മേല്നടപടികള് സ്വീകരിച്ചു.
