24 C
Pathanāmthitta
Saturday, June 18, 2022 5:40 am

പുന്നോല്‍ ഹരിദാസന്‍ വധം ; പ്രതിയെ അന്വേഷിച്ച്‌ മടങ്ങുന്ന പോലീസ്‌ ജീപ്പിന്‌ നേരെ ബോംബേറ്‌

ന്യൂമാഹി : മത്സ്യ തൊഴിലാളിയായ സി പി എം പ്രവര്‍ത്തകന്‍ പുന്നോല്‍ താഴെവയലിലെ കെ ഹരിദാസനെ വധിച്ച കേസിലെ പ്രതിയെ അന്വേഷിച്ച്‌ മടങ്ങുന്ന ന്യൂമാഹി പൊലീസ്‌ ജീപ്പിന്‌ നേരെ ബോംബേറ്‌.മാഹി പള്ളൂര്‍ പോലീസ്‌ സ്‌റ്റേഷന്‍ പരിധിയിലെ ചാലക്കര മൈദ കമ്പനിയ്ക്ക് സമീപം ബുധനാഴ്‌ച അര്‍ധരാത്രി 11.30നാണ്‌ സംഭവം. കേസില്‍ പിടികിട്ടാനുള്ള ചാലക്കര വരപ്രത്ത്‌ കാവിനടുത്ത മീത്തലെ കേളോത്ത്‌ വീട്ടില്‍ ദീപക്‌ എന്ന ഡ്രാഗണ്‍ ദീപുവിന്റെ (30) വീട്ടില്‍ പരിശോധന നടത്തി മടങ്ങുകയായിരുന്നു പോലീസ്‌.

മൈദ കമ്പനിക്ക്‌ സമീപമെത്തിയപ്പോള്‍ ജീപ്പിന്‌ പിറകിലാണ്‌ ബോംബെറിഞ്ഞത്‌. ന്യൂമാഹി എസ്‌ഐ ടി എം വിപിനും സംഘവുമാണ്‌ ജീപ്പിലുണ്ടായത്‌. ആര്‍ക്കും പരിക്കില്ല. സ്‌ഫോടനത്തിന്‌ ശേഷം സ്ഥലത്ത്‌ പോലീസ്‌ പരിശോധന നടത്തി. കേസിലെ മൂന്നാംപ്രതിയാണ്‌ ദീപക്‌. തൃശൂര്‍ ജില്ലയില്‍ നിന്ന്‌ 98 ലക്ഷം രൂപ തട്ടിപ്പറിച്ച കേസില്‍ പിടികിട്ടാപ്പുള്ളിയായി നേരത്തെ പൊലീസ്‌ പ്രഖ്യാപിച്ചിരുന്നു. ഇതിനിടയിലാണ്‌ കൊലപാതകത്തിലും പങ്കെടുത്തത്‌. നാലാംപ്രതി ന്യൂമാഹി ഈയ്യത്തുങ്കാട്‌ പുത്തന്‍പുരയില്‍ ‘പുണര്‍ത’ത്തില്‍ നിഖില്‍ എന്‍ നമ്പ്യാറും (27) ഒളിവിലാണ്‌.

- Advertisment -
- Advertisment -
Advertisment
- Advertisment -

Most Popular