റാന്നി: തൊഴിലുറപ്പ് തൊഴിലാളികളെ ഇ.എസ്.ഐ പരിധിയിൽ ഉൾപ്പെടുത്തണമെന്ന് ഐ.എന്.റ്റി.യു.സി ആവശ്യപ്പെട്ടു. മഹാത്മാഗാന്ധി ദേശീയ തൊഴിലുറപ്പ് തൊഴിലാളികളെ ESI പരിധിയിൽ ഉൾപ്പെടുത്തുക, തൊഴിലാളികളുടെ വേതനം വർദ്ധിപ്പിക്കുക, വേലയുടെ ദിവസങ്ങൾ വർധിപ്പിക്കുക, അശാസ്ത്രീയമായപരിഷ്കാരങ്ങൾ ഉപേക്ഷിക്കുക, ഇൻഷുറൻസ് പരിരക്ഷ ഏർപ്പെടുത്തുക, എന്നീ ആവശ്യങ്ങൾ ഉന്നയിച്ചുകൊണ്ട് തൊഴിലുറപ്പ് യൂണിയൻ (INTUC) റാന്നി, എഴുമറ്റൂർ ബ്ലോക്ക് കമ്മിറ്റികളുടെ നേതൃത്വത്തിൽ റാന്നി ബ്ലോക്ക് പഞ്ചായത്ത് ഓഫീസിലേക്ക് നടത്തിയ മാർച്ച് ധർണയും ഐ.എന്.റ്റി.യു.സി സംസ്ഥാന കമ്മിറ്റി അംഗം ഹരികുമാർ പൂതങ്കര ഉദ്ഘാടനം ചെയ്തു.
റാന്നി ബ്ലോക്ക് പ്രസിഡണ്ട് രമാദേവി അധ്യക്ഷ വഹിച്ചു. ഐ.എൻ.ടി.യു.സി നിയോജകമണ്ഡലം പ്രസിഡണ്ട് എ.ജി. ആനന്ദൻ പിള്ള, എഴുമറ്റൂർ ബ്ലോക്ക് പ്രസിഡണ്ട് ജെസ്സി അലക്സ്, ഡി.സി.സി ജനറൽ സെക്രട്ടറി സതീഷ് പണിക്കർ, ബ്ലോക്ക് കോൺഗ്രസ് കമ്മിറ്റി പ്രസിഡന്റ് സിബി താഴത്തില്ലത്ത്, പഞ്ചായത്ത് പ്രസിഡണ്ട് റൂബി കോശി, അനിത അനിൽ കുമാർ, ബിന്ദു ഭാസ്കരൻ, ടി.സി തോമസ്, ഓമന സത്യൻ, ഉഷ തോമസ്, വത്സമ്മ കുരിശുംമൂട്ടിൽ, ഗ്രേസി തോമസ്, എം.എസ്. സുജ, മുരളി മേപ്രത്ത്, രഞ്ജി പതാലിൽ തുടങ്ങിയവർ സംസാരിച്ചു.
