കൊടുമണ്: കൊടുമണ് കോണ്ഗ്രസ് ഭവന് പുറമ്പോക്കില് ആണെന്ന് പ്രചരിപ്പിക്കുകയും കോണ്ഗ്രസ് നേതാക്കളെ അപകീര്ത്തിപ്പെടുത്തുകയും ചെയ്യുന്ന സി.പി.എം നേതാക്കളുടെ നടപടി ഹീനവും അപഹാസ്യവുമാണെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. കൊടുമണ് മണ്ഡലം കോണ്ഗ്രസ് കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മന്ത്രി വീണാ ജോര്ജിന്റെ ഭര്ത്താവിന്റെ കൊടുമണ്ണിലെ റോഡ് കയ്യേറ്റം മറച്ചു വെയ്ക്കുവാനാണ് ഇത്തരം വ്യാജ പ്രചരണങ്ങള് നടത്തുന്നതെന്ന് ഡി.സി.സി പ്രസിഡന്റ് പറഞ്ഞു. കോണ്ഗ്രസ് ഓഫീസിന്റെ അതിരു ചികയുന്ന സി.പി.എം നേതാക്കള് കയ്യേറ്റക്കാരുടെ ആശാന്മാരാണെന്ന് അദ്ദേഹം പറഞ്ഞു.
മണ്ഡലം കോണ്ഗ്രസ് കമ്മിറ്റി പ്രസിഡന്റ് അനില് കൊച്ചുമൂഴിക്കല് അദ്ധ്യക്ഷത വഹിച്ചു. അഡ്വ. കെ. ശിവദാസന് നായര് എക്സ്.എം.എല്.എ മുഖ്യ പ്രഭാഷണം നടത്തി. തോപ്പില് ഗോപകുമാര്, പഴകുളം ശിവദാസന്, സഖറിയ വര്ഗ്ഗീസ്, എം.ജി. കണ്ണന്, എ.കെ. ലാലു, എ. വിജയന്നായര്, ബിജു ഫിലിപ്പ്, മഞ്ജു വിശ്വനാഥ്, അങ്ങാടിക്കല് വിജയകുമാര്, ജോണ്സണ് മാത്യു, കെ.പി. ബിജുലാല്, പ്രകാശ് ടി. ജോണ്, സുന്ദരേശന് അങ്ങാടിക്കല്, മുല്ലൂര് സുരേഷ്, ജിതേഷ് രാജേന്ദ്രന്, എ.ജി. ശ്രീകുമാര്, ലാലി സുദര്ശന്, ഗീത ശശിധരന്, മോനച്ചന് മാവേലില്, തങ്കച്ചന് എരുത്വാക്കുന്ന്, ബേബിക്കുട്ടി പമ്പേലിമണ്ണില്, ബിജു തോമസ് ഇടത്തിട്ട, ഉമാദേവി, സിന്ധു, രഘു ഐക്കാട്, പ്രകാശ് മന്ദിരം തുടങ്ങിയവര് പ്രസംഗിച്ചു.
