ഭോപാല് : ആരോഗ്യനില വഷളായതിനെ തുടര്ന്ന് ഭോപാല് എംപി പ്രഗ്യ സിംഗ് ഠാക്കുറിനെ ആശുപത്രിയില് പ്രവേശിപ്പിച്ചു . കടുത്ത ശ്വാസ തടസത്തെ തുടര്ന്ന് മുംബൈയിലെ കോകിലാബെന് ആശുപത്രിയിലാണ് പ്രവേശിപ്പിച്ചിരിക്കുന്നത്.
കഴിഞ്ഞ കുറച്ച് നാളുകളായി പ്രഗ്യയുടെ ആരോഗ്യസ്ഥിതി വളരെ മോശമായിരുന്നു. രണ്ട് മാസത്തെ ആശുപത്രിവാസത്തിന് ശേഷം ഫെബ്രുവരി 19 ന് ആരോഗ്യനില വഷളായതോടെ വീണ്ടും ആശുപത്രിയില് പ്രവേശിപ്പിച്ചിരുന്നു. ഡല്ഹി എയിംസിലായിരുന്നു പ്രഗ്യയുടെ ചികിത്സ. ഉയര്ന്ന രക്ത സമ്മര്ദം, കടുത്ത നെഞ്ചുവേദന, ശ്വാസതടസം, എന്നീ ആരോഗ്യ പ്രശ്നങ്ങളാണ് പ്രഗ്യയെ അലട്ടുന്നത്. പിന്നീട് കുറച്ച് നാളത്തേക്ക് ആരോഗ്യ സ്ഥിതി മെച്ചപ്പെട്ടുവെങ്കിലും വീണ്ടും ശ്വാസതടസം അനുഭവപ്പെടുകയും ആശുപത്രിയില് പ്രവേശിപ്പിക്കുകയുമായിരുന്നു.
