ഛത്തീസ്ഗഡ്ഡ് : ഛത്തീസ്ഗഢിലെ ചമ്പ ജില്ലയില് 80 അടി ആഴത്തിലുള്ള കുഴല് കിണറില് വീണ കുട്ടിയെ രക്ഷപ്പെടുത്താനുള്ള ശ്രമങ്ങള് തുടരുന്നു. 11 വയസുള്ള ആണ്കുട്ടിയാണ് ഇന്നലെ വൈകീട്ടോടെ അപകടത്തില്പ്പെട്ടത്. ദേശീയ ദുരന്ത നിവാരണ സേനയും സംസ്ഥാന ദുരന്ത നിവാരണ സേനയും സംയുക്തമായി കുട്ടിയെ പുറത്തെടുക്കാനുള്ള ശ്രമങ്ങള് നടത്തിവരികയാണ്. വീടിന് പുറകുവശത്തുള്ള കുഴല് കിണറിലാണ് രാഹുല് സാഹു എന്ന കുട്ടി അബദ്ധത്തില് കാലുവഴുതി വീണത്. കിണറ്റിനുള്ളില് നിന്നും ആരോ നിലവിളിയ്ക്കുന്നതായി ചില നാട്ടുകാര് കണ്ടെത്തുകയും അവര് മറ്റ് പ്രദേശങ്ങളിലുള്ള കൂടുതല് പേരെ വിവരമറിയിക്കുകയുമായിരുന്നു.
