കൊച്ചി: ബ്രഹ്മപുരം മാലിന്യ പ്ലാന്റിലുണ്ടായത് സ്വാഭാവിക തീപിടിത്തമെന്ന് ഫൊറന്സിക് റിപ്പോര്ട്ട്. ചൂട് കൂടിയപ്പോള് മാലിന്യക്കൂമ്പാരത്തിന്റെ അടിത്തട്ടില് തീപിടിച്ചെന്നാണ് നിഗമനം. മനഃപൂര്വം തീയിട്ടതിന് തെളിവ് ലഭിച്ചില്ലെന്നും തൃശൂര് ഫൊറന്സിക് ലാബില്നിന്നുള്ള റിപ്പോര്ട്ടില് ചൂണ്ടിക്കാട്ടുന്നു. തീപിടുത്തത്തില് അട്ടിമറിയില്ലെന്ന പോലീസ് അന്വേഷണ റിപ്പോര്ട്ടിന് പിന്നാലെയാണ് സമാന കണ്ടെത്തലുമായി ഫോറന്സിക് റിപ്പോര്ട്ടും പുറത്തുവന്നത്. മാര്ച്ച് രണ്ടിനാണ് ബ്രഹ്മപുരത്ത് തീപിടിത്തം ഉണ്ടായത്.
നിരവധി തവണ ചെറുതും വലുതുമായ തീപിടിത്തങ്ങള് ഇതിന് മുമ്പും ശേഷവും ഉണ്ടായിട്ടുണ്ട്. ഇവയൊക്കെ സ്വാഭാവിക തീപിടിത്തങ്ങളാണെന്ന വാദമാണ് പോലീസും ഫോറന്സിക് വിദഗ്ധരും ഉയര്ത്തുന്നത്. തീ പെട്ടെന്ന് വ്യാപിക്കാന് കാരണമാകുന്ന പേപ്പര്, പ്ലാസ്റ്റിക്, സാനിറ്റൈസര് എന്നിവയുടെ സാന്നിധ്യം മാലിന്യകൂമ്പാരത്തില് അധികമായിരുന്നുവെന്നും റിപ്പോര്ട്ടില് പറയുന്നു.
