പത്തനംതിട്ട : അഡ്വ. പ്രമോദ് നാരായണ് എംഎല്എയുടെ അടിയന്തര ഇടപെടലില് തിരുവാഭരണ ഘോഷയാത്ര സുഗമമാക്കി വെളിച്ചവും പാലവും. കീക്കൊഴൂര് പേരുച്ചാല് പാലത്തിന് സമീപം തിരുവാഭരണപാതയില് തകര്ന്ന പാലത്തിനു പകരം പുതിയ പാലവും പേരുച്ചാല് പാലത്തിന്റെ അയിരൂര് കരയില് മിനി മാസ്റ്റ് ലൈറ്റും അടിയന്തരമായി നല്കിയതാണ് തിരുവാഭരണ ഘോഷയാത്ര സുഗമമാക്കിയത്.
പമ്പാ നദിയോട് ചേര്ന്നുള്ള തിരുവാഭരണ പാതയില് തോടിന് കുറുകെയുണ്ടായിരുന്ന പാലം 2018ലെ മഹാപ്രളയത്തിലാണ് ഒലിച്ചു പോയത്. തുടര്ന്ന് പഞ്ചായത്ത് താല്ക്കാലിക പാലം നിര്മിച്ച് അതിലൂടെയാണ് തിരുവാഭരണ ഘോഷയാത്ര കടന്നുപോയിരുന്നത്.
തിരുവാഭരണ ഘോഷയാത്ര തിരുവാഭരണ പാതയില് കൂടി തന്നെ പോകണം എന്ന ആവശ്യം പഞ്ചായത്ത് പ്രസിഡന്റ് കെ.ആര്. സന്തോഷ് എംഎല്എയുടെ ശ്രദ്ധയില്പ്പെടുത്തി. തുടര്ന്നാണ് എംഎല്എ ജലവിഭവ വകുപ്പ് മന്ത്രി റോഷി അഗസ്റ്റിനോട് ഇവിടെ പുതിയ പാലം വേണമെന്ന് അഭ്യര്ഥിച്ചത്. മന്ത്രിയുടെ അടിയന്തര ഇടപെടലിനെ തുടര്ന്ന് 19 ലക്ഷം രൂപ മേജര് ഇറിഗേഷന് വകുപ്പില് ഫണ്ട് ഉള്പ്പെടുത്തിയാണ് ഇപ്പോള് പാലം പൂര്ത്തീകരിച്ചിരിക്കുന്നത്. അഞ്ചു മീറ്റര് നീളവും നാലു മീറ്റര് വീതിയുമാണ് പാലത്തിനുള്ളത്. ഇതുകൂടാതെ 45 മീറ്റര് നീളത്തില് സംരക്ഷണ ഭിത്തിയും നിര്മിച്ചിട്ടുണ്ട്.
പേരൂച്ചാല് പാലത്തിന്റെ അയിരൂര് പഞ്ചായത്ത് ഭാഗത്ത് തിരുവാഭരണ ഘോഷയാത്ര എത്തുമ്പോള് വെളിച്ചം വേണമെന്ന് ആവശ്യം ഉയര്ന്നതിനെ തുടര്ന്ന് എംഎല്എ ഫണ്ടില് നിന്നും മിനിമാസ്റ്റ്ലൈറ്റ് അനുവദിക്കുകയായിരുന്നു. നിര്മാണം പൂര്ത്തിയായ മിനിമാസ്റ്റ്ലൈറ്റിന് റെക്കോര്ഡ് വേഗത്തില് വൈദ്യുത കണക്ഷന് നല്കിയ കെഎസ്ഇബി അയിരൂര് സെക്ഷനെയും എംഎല്എ അഭിനന്ദിച്ചു.
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
