പനാജി: ഭര്ത്താവിനൊപ്പം ഗോവയില് വിനോദസഞ്ചാരത്തിനെത്തിയ വിദേശവനിതയെ ബലാത്സംഗം ചെയ്തു. ബ്രിട്ടീഷ് യുവതിയാണ് ബലാത്സംഗത്തിന് ഇരയായത്. നോര്ത്ത് ഗോവയിലെ അരംബോള് ബീച്ചിന് സമീപമുള്ള പ്രശസ്തമായ സ്വീറ്റ് ലേക്കില് വെച്ചായിരുന്നു ആക്രമണം. ജൂണ് രണ്ടിനായിരുന്നു കേസിനാസ്പദമായ സംഭവം നടന്നത്. ബീച്ചില് വിശ്രമിക്കുകയായിരുന്ന ബ്രിട്ടീഷ് യുവതിയെ നാട്ടുകാരനായ പ്രതി ആക്രമിക്കുകയായിരുന്നുവെന്ന് പോലീസ് പറഞ്ഞു. തിങ്കളാഴ്ചയാണ് യുവതി പോലീസില് പരാതി നല്കിയത്. സംഭവത്തില് 32 കാരനായ പ്രതി ജോയല് വിന്സെന്റ് ഡിസൂസയെ പോലീസ് അറസ്റ്റ് ചെയ്തു. കേസില് കൂടുതല് അന്വേഷണം നടക്കുകയാണെന്ന് പോലീസ് അറിയിച്ചു.
