പത്തനംതിട്ട : കുമ്പഴ – പുതുപ്പറമ്പില് ബ്രദര് ജിതിന് ജേക്കബ് (27) മംഗലാപുരത്തുവെച്ച് കാറപകടത്തില് മരണമടഞ്ഞു. ഇന്ന് രാവിലെ ആറു മണിക്ക് മംഗലാപുരത്തിനു സമീപം വെച്ച് ലോറിയുമായി കൂട്ടിയിടിക്കുകയായിരുന്നു. ജിതിനും കൂടെയുണ്ടായിരുന്ന ഒരു പ്രൊഫസറും തല്ക്ഷണം മരിച്ചു. പ്രൊഫസറുടെ മകന് പരിക്കുകളോടെ രക്ഷപെട്ടു. അപകടത്തില് കാര് നിശ്ശേഷം തകര്ന്നു. കൂടുതല് വിവരങ്ങള് ലഭ്യമായിട്ടില്ല.
തിരുവനന്തപുരം ബഥനി സന്യാസ സമൂഹത്തിലെ അംഗവും അവസാന വര്ഷ വൈദിക വിദ്യാര്ത്ഥിയായിരുന്നു ബ്രദര് ജിതിന് ജേക്കബ്. പരിശീലനവുമായി ബന്ധപ്പെട്ട് മംഗലാപുരത്ത് എത്തിയ ജിതിന് രാവിലെ പള്ളിയിലേക്ക് പോകുമ്പോഴാണ് അപകടം നടന്നത്. കുമ്പഴ സെന്റ് മേരീസ് മലങ്കര കത്തോലിക്ക ദേവാലയ അംഗവും നെടുമനാല് പുതുപ്പറമ്പില് (സാം ടെക്സ്റ്റയില്സ്) ജേക്കബ് – മേഴ്സി ദമ്പതികളുടെ മൂത്ത മകനാണ് ജിതിന്. നിഥിന് ജേക്കബ്, ആല്ബിന് ജേക്കബ് എന്നിവര് സഹോദരങ്ങളാണ്.
