കോട്ടയം : നായര് സര്വീസ് സൊസൈറ്റിയുടെ ബജറ്റ് സമ്മേളനം നാളെ. എന്എസ്എ സ് ആസ്ഥാനത്തെ പ്രതിനിധിസഭാ മന്ദിരത്തില് രാവിലെ മന്നം സമാധിയില് പുഷ്പാര്ച്ചനയ്ക്കു ശേഷം സമ്മേളനം ആരംഭിക്കും. പ്രസിഡന്റ് പി.എന് നരേന്ദ്രനാഥന് നായര് അധ്യക്ഷത വഹിക്കും. ജനറല് സെക്രട്ടറി ജി.സുകുമാരന് നായര് ബജറ്റ് അവതരിപ്പിക്കും. താലൂക്ക് യൂണിയനുകളില് നിന്നുള്ള പ്രതിനിധികള് പങ്കെടുക്കും. 2022-23 ലെ ബജറ്റും 2021-22 ലെ ഭരണ റിപ്പോര്ട്ടുമാണ് ജനറല് സെക്രട്ടറി അവതരിപ്പിക്കുന്നത്. കോവിഡ് നിയന്ത്രണങ്ങള് മൂലം കഴിഞ്ഞ 2 വര്ഷവും ഓണ്ലൈനിലാണു സമ്മേളനം നടത്തിയത്.
