ഇടുക്കി: ബഫര്സോണ് വിഷയത്തിലെ സുപ്രീംകോടതി വിധിയില് പ്രതിഷേധിച്ച് കുട്ടമ്പുഴയില് ഹര്ത്താല് നടത്തേണ്ടതില്ലെന്ന് തീരുമാനിച്ച് കോണ്ഗ്രസ് മണ്ഡലം കമ്മറ്റി. ഇടുക്കി ജില്ലയില് ബഫര് സോണ് വിഷയത്തില് ഇന്ന് യുഡിഎഫ് ഹര്ത്താല് നടന്നുവരികയാണ്. ഇതോടൊപ്പം കുട്ടമ്പുഴയിലും ഹര്ത്താല് തീരുമാനിച്ചിരുന്നു. ബഫര്സോണ് കുട്ടമ്പുഴ പഞ്ചായത്തിനെയും ബാധിക്കും. എന്നാല് ഇതേ ആവശ്യമുന്നയിച്ച് മൂന്ന് മാസം മുമ്പ് കോണ്ഗ്രസ് ഹര്ത്താല് നടത്തിയിരുന്നു. അടിക്കടി ഹര്ത്താല് നടത്തി ജനങ്ങളെ ബുദ്ധിമുട്ടിക്കേണ്ടതില്ലെന്ന് മണ്ഡലം കമ്മറ്റി തീരുമാനിക്കുകയായിരുന്നുവെന്ന് നേതാക്കള് പറഞ്ഞു.
