ഇടുക്കി: മുഖ്യമന്ത്രിക്കും കുടുംബാംഗങ്ങള്ക്കുമെതിരെ ഫേയ്സ്ബുക്കില് കമന്റിട്ട വനം വകുപ്പ് വാച്ചര്ക്ക് സസ്പെന്ഷന്. പെരിയാര് കടുവ സങ്കേതം വള്ളക്കടവ് റേഞ്ചിലെ കളറടിച്ചാന് സെക്ഷനിലെ വാച്ചറായ ആര് സുരേഷിനെയാണ് സസ്പെന്ഡ് ചെയ്തത്. മുഖ്യമന്ത്രിക്കെതിരെ പ്രതിഷേധം നടത്തിയതിന് അദ്ധ്യാപകനെ സസ്പെന്ഡ് ചെയ്തെന്ന ഫേയ്സ്ബുക്ക് പോസ്റ്റിന് താഴെയാണ് മുഖ്യമന്ത്രിയേയും കുടുംബത്തേയും കുറിച്ച് സുരേഷ് കമന്റ് ചെയ്തത്. ഇത് ശ്രദ്ധയില്പ്പെട്ടതോടെയാണ് നടപടി. പെരിയാര് കടുവ സങ്കേതം ഈസ്റ്റ് ഡപ്യൂട്ടി ഡയറക്ടര് സസ്പെന്ഷന് ഉത്തരവ് ഇറക്കിയത്.
