ഹരിയാന : ഹരിയാനയിലെ ഗുരുഗ്രാമിൽ കെട്ടിടം തകർന്ന് വീണ് രണ്ട് പേർ മരിച്ചു. രണ്ട് പേർക്ക് പരിക്കേറ്റു. ഉദ്യോഗ് വിഹാറിൽ രാവിലെ എട്ട് മണിയോടെയായിരുന്നു അപകടം. കാലപ്പഴക്കമുള്ള കെട്ടിടം ഘട്ടംഘട്ടമായി പൊളിച്ചു നീക്കുന്നതിനിടയിലാണ് അപകടമുണ്ടായത്. അവശിഷ്ടങ്ങൾക്കിടയിൽ നിന്ന് രണ്ട് തൊഴിലാളികളെ ദുരന്തനിവാരണ സേന രക്ഷപെടുത്തുകയായിരുന്നു. പരിക്കേറ്റ ഇവരെ ആശുപത്രിയിൽ പ്രവേശിപ്പിച്ചു. കെട്ടിടം പൊളിച്ചുകൊണ്ടിരുന്ന തൊഴിലാളികള്ക്കാണ് അപകടം സംഭവിച്ചത്. രണ്ടു പേർ മരിച്ചതായും മറ്റു രണ്ട് പേരെ അവശിഷ്ടങ്ങൾക്കിടയിൽ നിന്ന് രക്ഷിച്ചിട്ടുണ്ടെന്നും അഗ്നിശമന സേനാ വിഭാഗം ഓഫീസർ ലളിത് കുമാർ പറഞ്ഞു.