പത്തനംതിട്ട : വീട്ടുകരം അടച്ചവർക്ക് വീണ്ടും കരം അടയ്ക്കാൻ നഗരസഭയുടെ നോട്ടീസ്. പ്രതിക്ഷേധം അറിയിച്ച് യു.ഡി.എഫ്. നികുതിയും പിഴയും അടയ്ക്കണമെന്ന് കാട്ടി നഗരസഭയിലെ നിരവധി കുടുംബങ്ങൾക്കാണ് നഗരസഭാ റവന്യു വിഭാഗം നോട്ടീസ് അയച്ചു കൊണ്ടിരിക്കുന്നത്. പി എം എ വൈ പദ്ധതിയിൽ വീട് ലഭിച്ചവർ പഴയ വീട് ഇടിച്ചു കളഞ്ഞാണ് പുതിയ വീടുകൾ വയ്ക്കുന്നത്. എന്നാൽ ഇടിച്ചു കളഞ്ഞ വീടിനും പുതിയ വീടിനും കരം അടയ്ക്കണമെന്നാണ് നോട്ടീസ് ലഭിച്ചിരിക്കുന്നത്. കഴിഞ്ഞ വർഷങ്ങളിൽ പൂർണമായും കരം അടച്ചവർക്കും വീണ്ടും അടയ്ക്കാൻ നോട്ടീസ് ലഭിച്ചു കൊണ്ടിരിക്കുകയാണ്.
ഇത് സംബന്ധിച്ചു വിശദീകരണം വേണമെന്നും റവന്യു വിഭാഗത്തിന്റെ ശ്രദ്ധയില്ലായ്മയാണ് ജനങ്ങളെ ബുദ്ധിമുട്ടിക്കുന്ന ഇത്തരം നോട്ടീസുകൾ അയക്കുന്നതിന്റെ പിന്നിലെന്നും നഗരസഭ കൗൺസിലർ അഡ്വ.എ.സുരേഷ് കുമാർ കഴിഞ്ഞ ദിവസം ചേർന്ന കൗൺസിൽ യോഗത്തിൽ പറഞ്ഞു. ഇതിനെ കുറിച്ച് അന്വേഷണം നടത്തി തെറ്റുകൾ ഉണ്ടെങ്കിൽ തിരുത്തുമെന്ന് ചെയർമാൻ റ്റി.സക്കീർ ഹുസ്സൈൻ പറഞ്ഞു..