കോട്ടയം: വീട്ടില് കാപ്പിയുണ്ടാക്കുന്നതിനിടെ അടുപ്പില് നിന്ന് വസ്ത്രത്തിലേക്ക് തീ പടര്ന്ന് പിടിച്ച് ഉണ്ടായ അപകടത്തെ തുടര്ന്ന് ചികിത്സയിലായിരുന്ന നഴ്സിംഗ് വിദ്യാര്ത്ഥിനി മരിച്ചു. വിജയപുരം വടവാതൂര് ചെമ്പോല കൊച്ചു പറമ്പില് ജോസിന്റെ മകള് ജീന ജോസ് (അമ്മു (19) ) ആണ് അപകടത്തില് മരിച്ചത്.
ഇന്നലെ രാവിലെ 11 മണിക്ക് വീട്ടില് വച്ചാണ് തീപിടിച്ചത് . പെണ്കുട്ടിക്ക് 90 ശതമാനത്തോളം പരിക്കേറ്റു. തുടര്ന്ന് രാത്രിയോടെ കോട്ടയം മെഡിക്കല് കോളജില് വച്ച് മരിച്ചു . വീടിനുള്ളില് നിന്നും പെണ്കുട്ടിയുടെ നിലവിളി കേട്ട അയല്വാസികള് ഓടിയെത്തിയപ്പോള് തീയില് വെന്തുരുകി കിടന്ന പെണ്കുട്ടിയെ കണ്ടെത്തുകയായിരുന്നു .
