പള്ളുരുത്തി : പെരുമ്പടപ്പ് മാർക്കറ്റിലേക്ക് സ്വകാര്യ ബസ് ഇടിച്ചു കയറി. നഗരസഭയുടെ പെരുമ്പടപ്പ് മാർക്കറ്റിലേക്ക് ഇന്ന് രാവിലെ 7.30 ഓടെയാണ് ശ്രീ ദുർഗ്ഗ എന്ന ബസ് ബ്രേക്ക് തകരാർ മൂലം ഇടിച്ചു കയറിയത്. മാർക്കറ്റിൽ രാവിലെ നടക്കുന്ന മത്സ്യ ലേലം കഴിഞ്ഞ് തിരക്കൊഴിഞ്ഞ സമയത്താണ് അപകടം ഉണ്ടായത്. അതിനാൽ വൻ ദുരന്തം ഒഴിവായി. ഡിവിഷൻ കൗൺസിലർ സി.എൻ.രഞ്ജിത്ത് മാസ്റ്റർ പരാതി നൽകി. പോലീസും നഗരസഭ ഉദ്യോഗസ്ഥരും സ്ഥലം സന്ദർശിച്ചു.
