കൊച്ചി : നാവികസേനാ ആസ്ഥാനത്തിന് സമീപം ബസുകള് കൂട്ടിയിടിച്ച് അപകടം. വെല്ലിങ്ടന് ഐലന്ഡില് നാവിക സേനാ ആസ്ഥാനത്തിന് സമീപമാണ് ബസുകള് തമ്മില് കൂട്ടിയിടിച്ചത്. രാവിലെ ഏഴരയോടെയാണ് അപകടം സംഭവിച്ചത്. 2 ബസുകളിലെയും ഡ്രൈവര്മാര് ഉള്പ്പെടെ 4 പേര്ക്ക് പരിക്കേറ്റു.
അപകടത്തില്പ്പെട്ട ബസ്, പുതിയതായി നിര്മിക്കുന്ന കോണ്ക്രീറ്റ് ചുറ്റുമതിലിന് വേണ്ടി പണിത താല്കാലിക ഇരുമ്ബുഷീറ്റ് മറ തകര്ത്ത് നാവികസേനാ വളപ്പിലേയ്ക്ക് ഇടിച്ചു കയറി. പശ്ചിമ കൊച്ചിയില്നിന്ന് എറണാകുളത്തേക്ക് വരികയായിരുന്നു ഈ ബസ്.