പത്തനംത്തിട്ട: ഇലവുങ്കലില് ശബരിമല തീര്ഥാടകര് സഞ്ചരിച്ച ബസ് കൊക്കയിലേക്ക് മറിഞ്ഞു. തമിഴിനാട്ടിലെ തഞ്ചാവൂരില് നിന്നുള്ള തീര്ഥാടകര് സഞ്ചരിച്ച ബസാണ് മറിഞ്ഞത്.ഡ്രൈവറുടെ പരിക്ക് ഗുരുതരം. ഇലവുങ്കല്-എരുമേനി റോഡിലാണ് അപകടം. ശബരിമല ദര്ശനത്തിനു ശേഷം മടങ്ങുമ്പോഴാണ് ബസ് അപകടത്തില്പ്പെട്ടത്. ഏഴ് കുട്ടികളടക്കം അറുപതോളം ആളുകളാണ് ബസില് ഉണ്ടായിരുന്നത്. ബസിന്റെ ഒരു ഭാഗം പൊളിച്ചാണ് ആളുകളെ പുറത്തെത്തിച്ചത്. പരിക്കേറ്റവരെ പത്തനംത്തിട്ട ജനറല് ആശുപത്രിയില് പ്രവേശിപ്പിച്ചു. രക്ഷാപ്രവര്ത്തനം തുടരുകയാണ്.
